Skilmálar

Umsókn og útgáfa Orkukorts og Orkulykils

Skeljungur hf, eigandi Orkunnar, Borgartúni 26, 105 Reykjavík, gefur út Orkukort, Orkulykil og snjallsíma-forritið Orku-appið. Hægt er að sækja um Orkukort og Orkulykil hér á vefsíðu Orkunnar eða í síma 578-8800. Orku-appið er smáforrit sem má sækja í gegnum snjallsíma. Til einföldunar verður hér eftir talað um Orkulykil þegar átt er við Orkukort, Orkulykla og Orku-app, nema annað sé tekið fram.

Almennt um Orkulykilinn

Orkulykillinn er eign Skeljungs hf. en meðferð og notkun hans er á ábyrgð handahafa orkulykilsins.
Orkulykill er ætlaður til úttekta í sjálfsölum og bensínstöðvum Orkunnar og Shell og verslunum Stöðvarinnar. Sem stendur er ekki hægt að greiða með Orku-appi á Stöðinni en stefnt er að því að það verið mögulegt.
Skráður handhafi Orkulykilsins skuldbindur sig til að greiða að fullu allar þær úttektir sem framkvæmdar eru með lyklinum, hvort sem þær eru í þágu handhafans eða þriðja aðila.
Handhafi Orkulykils ber ábyrgð á því að rétt bensínafgreiðslustöð og rétt bensínafgreiðsludæla séu valdar, þegar við á, svo sem við notkun Orku-apps.
Vilji handhafi Orkulykils hætta við dælingu skal byssa valinnar bensínafgreiðsludælu tekin úr slíðrinu og sett kyrfilega aftur í slíðrið. Sé hins vegar ekkert aðhafst lokast dælan sjálfkrafa eftir 1,5-3 mínútur. Handhafi Orkulykils ber áhættuna af því að þriðji aðili hefji ekki dælingu á meðan.
Orkulykillinn er tengdur debet- eða kreditkorti. Úttektir sem gerðar eru með Orkulykli eru því innheimtar með færslu um kortareikning viðkomandi Orkulykils. Orkufrelsi er ótengt greiðslukortum.
Á sérstökum afsláttardögum leggjast tilgreindir afslættir ekki ofan á þá afslætti sem lyklahafar eru með fyrir, nema það sé sérstaklega tekið fram. Viðskiptavinur fær ávallt þann afslátt sem hagstæðastur er hverju sinni.
Orkulykillinn er sendur heim að dyrum, viðskiptavini að kostnaðarlausu. Mikilvægt er að rétt heimilisfang sé skráð við umsókn um Orkulykilinn. Orku-appinu er hlaðið niður í snjall-síma af internetinu.

Breytingar á persónuupplýsingum

Handhafi Orkulykilsins skal tilkynna breytingar á aðsetri, símanúmeri og tölvupóstfangi til Orkunnar á orkan@orkan.is eins fljótt og hægt er til að tryggja að viðeigandi upplýsingar berist honum eftir eðlilegum leiðum.

Notkun upplýsinga

Þegar sótt er um Orkulykil skal gefa upp GSM-númer og netfang. Orkan áskilur sér rétt til að nota upplýsingarnar til að senda skráðum handhafa Orkulykilsins upplýsingar um tilboð eða annað kynningarefni sem þeim býðst á Orkunni, Stöðinni eða hjá Shell, og handhafinn hagnast á. Upplýsingarnar verða ekki sendar þriðja aðila.

Týndur Orkulykill eða -kort

Glatist Orkulykill skal tilkynna það án tafar með tölvupósti á orkan@orkan.is eða í síma 578-8800 á skrifstofutíma. Utan skrifstofutíma skal tilkynna það í símanúmerið 444 3024.
Athugaðu að handhafi Orkulykils, Orkukorts, Orkufrelsis og Orku-apps ber fulla ábyrgð á eldsneytisúttektum allt þar til tilkynning hefur borist Orkunni um að viðkomandi lykill, eða -kort hafi glatast.

Ágreiningur

Rísi ágreiningur milli aðila um efni þessara viðskiptaskilmála eða vegna brota á þeim er heimilt að reka mál vegna þess fyrir Héraðsdómi Reykjavíkur skv. ákvæðum laga nr. 91/1991.

Gilidistími skilmála

Skilmálar þessir gilda frá 1. febrúar 2012