Orkuvernd

Orkuvernd er ný verðstefna Orkunnar. Með Orkuvernd leitast Orkan við að bjóða lægsta verð á eldsneyti í hverju landsvæði og býður sama verð á eldsneyti innan sama landsvæðis.
Ef verð á eldsneyti samkeppnisaðila lækkar niður fyrir eða niður að verðinu sem Orkan býður, mun verðið á Orkunni lækka.

Skipting Orkuverndar í landsvæði – Sama verð innan landsvæðis

Svona virkar Orkuvernd

Vefsíðan bensinverd.is birtir verð á eldsneyti á bensínstöðvum olíufélaganna. Starfsmenn Orkunnar fylgjast grannt með vefsíðunni bensinverd.is og styðjast við þær upplýsingar sem þar koma fram við breytingar á verði hjá Orkunni.

Við lögum verðið eins fljótt og við getum

Bensinverd.is birtir verðin eins og þau sjást á heimasíðum olíufélaganna. Kjósi einhver af olíufélögunum að birta annað verð á heimasíðu sinni en raunverulega er í boði úti á bensínstöðvunum, kann það að hafa áhrif réttmæti gagnanna sem stuðst er við í Orkuvernd.

Mælum með því að fólk versli þar sem ódýrast er

Lækki eitthvað olíufélag verðið á eldsneytinu undir kostnaðarverð, mun Orkan ekki fylgja í kjölfarið, heldur mæla með því að viðskiptavinir versli við það tiltekna olíufélag. Orkuvernd er jú ætlað að draga fram lægsta verðið á eldsneyti í hverju landssvæði.

Orkuvernd er virkust þegar flestir taka eldsneyti

Starfsmenn Orkunnar fylgjast með verðbreytingum á bensinverd.is frá klukkan 8:00 á morgnanna til klukkan 23:00 á kvöldin. Ef verð annarra olíufélaga lækkar niður fyrir verð Orkunnar eða jafnar verð Orkunnar eftir klukkan 23:00 má gera ráð fyrir því að Orkan nái ekki að lækka sitt verð fyrr en klukkan 8:00 morguninn eftir.