Viðskiptavinir Orkunnar hafa nú afhent Votlendissjóðnum 13.319.680 kr. sem safnast hafa sl. 9 mánuði. Með því að fylla aftur upp í skurði sem hafa lokið hlutverki sínu endurheimtum við votlendið. Það er áhrifarík, einföld og ódýr leið sem skilar strax árangri. Takk fyrir að velja áhrifaríkustu leiðina.
Saman hafa viðskiptavinir Orkunnar og rekstur Skeljungs kolefnisjafnað sem samsvarar 38.187 hringjum í kring um landið.
Breyttu Orkulyklinum eða -kortinu á orkan.is og byrjaðu strax að kolefnisjafna eldsneytiskaupin.
Að skráningu lokinni verður 7 kr. afslætti af hverjum lítra ráðstafað í kolefnisjöfnun í hvert skipti. Umframafsláttur fer í þinn vasa.
Orkan skilar framlagi þínu til Votlendissjóðsins sem nýtir fjármunina til endurheimtar votlendis. Þannig drögum við samstundis verulega úr losun gróðurhúsalofttegunda.
Með því að stunda kolefnisjöfnun hjá Orkunni leggur þú þitt lóð á vogar- skálarnar í baráttunni gegn þeirri miklu vá sem stafar af hlýnun jarðar.
Orkan og Votlendissjóðurinn hafa undirritað þriggja ára samning um kolefnisjöfnun alls reksturs Orkunnar. Undir reksturinn fellur allur akstur og flugferðir innan starfseminnar, notkun á vatni, hita og rafmagni ásamt meðhöndlun sorps. Með því axlar Orkan samfélagslega ábyrgð og vinnur um leið markvisst að því að minnka kolefnissporin.
Á síðasta ári opnaði Orkan tvær afgreiðslustöðvar fyrir vetnisbíla, eina við Vesturlandsveg í Reykjavík og aðra að Fitjum í Reykjanesbæ. Í maí á þessu ári urðu svo tímamót í starfsemi Orkunnar þegar fjölorkustöð við Miklubraut var opnuð en þar geta ökumenn fyllt á bílinn með metangasi, rafmagni í hraðhleðslu og vetni.
Með kolefnisjöfnun og auknu framboði á endurnýtanlegum orkugjöfum stuðlar Orkan að bættri umhverfismenningu og minnkun kolefnisfótspora í takt við breyttar áherslur á heimsvísu.
Tækifærin til að draga úr losun gróðurhúsaloft- tegunda eru veruleg. Með því að fylla aftur upp í skurði sem hafa lokið hlutverki sínu endurheimtum við votlendið. Það er áhrifarík, einföld og ódýr leið sem skilar strax árangri. Votlendissjóðurinn er milliliður eigenda framræsts lands sem vilja endurheimta votlendi og þeirra sem leggja fjármagn og vinnu í slík verkefni. Sjóðurinn skipuleggur framkvæmdirnar og tryggir að losun sé stöðvuð á faglegan og skilvirkan máta.